المقادير على مرحلتين:
المرحلة الاولى
٢ كوب لبن دافي
١ معلقه كبيره خميره فوريه يفضل تركي
١/٢ كوب زبده سايحه
١/٢كوب سكر حبيبات
٤ كوب دقيق
المرحله الثانيه:
وبعدين نضيف
٣/٤ كوب دقيق
ونص معلقه صغيره ملح
و١ معلقه صغيره بيكنج باودر
الصوص:
٨ مكعبات جبنه كيري او مثلثات لافاش كيري
٤ معالق كبيره زبده
نص معلقه صغيره فانيلا سائلة او رشه فانيلا باودر
٤ معالق لبن
٢ كوب سكر بودره
الخطوات :
احلي سينابون ممكن تاكلوه بجد
احلي من بتاع سينابون نفسه والله 😂😄😘😍❤️🌹
اول خطوة تقلب كل مكونات المرحلة الأولى بالويسك أو المضرب اليدوى وبعدين نضيف الدقيق
ونقلب بمعلقه خشب كبيره دقيقتين هتلاقوا عجينه ملزقه ومش متماسكه متقلقوش
هنغطيها ونسبها تخمر ساعه
هنضيف مكونات المرحلة التانية ونعجن كويس اوي بإيدنا ونغطي العجينه ونسبها ترتاح ١٠ دقايق
وبعدين نرش دقيق علي الرخامه ونفرد العجينه كويس وندهنها زبده بدرجة حرارة الغرفه ونرش سكر
ونلفها على شكل رول احسن وافضل طريقه للتقطيع بالخيييط
وتترص علي ورق زبده او ندهن زيت بسيط فالصينيه ونسيب مسافه بين كل واحد والتاني مقدار ٢ سم لانه هيخمر تاني نص ساعة
وبعدين ندخله فرن سخن عل ٢٠٠ الرف الوسطاني تقريبا ١٥ دقيقه
ونطلع ننزل عليه بالصوص الابيض
لعمل الصوص نخلط كل مكوناته جيدا
ونضربها في الخلاط او بمضرب البيض او الويسك كويس اوي
ولما السينابون يطلع ويهدي نديله الصوص الابيض وصوص الكراميل أو الشيكولاتة حسب الرغبة
ويقدم دافئ بألف هنا وشفا 🥰👌
ما تنسوش لو عجبتكم الوصفة تعملولها شير للاحتفاظ بيها دمتم بألف عافية ❤️
تعليقات
إرسال تعليق
نرحب دائما بتعليقاتكم واستفساراتكم على الوصفة ...